حیدرآباد۔ اے پی کے ضلع کرشنا میں پیش آئے سڑک حادثہ میں پانچ مسافرین زخمی ہوگئے ۔یہ حادثہ جمعرات کی صبح کی اولین ساعتوں میں ضلع کے جگیاپیٹ منڈل کی قومی شاہراہ پر اُس وقت پیش آیا جب پرائیویٹ ٹراویلس کی بس کے ڈرائیور نے اس کا توازن کھودیا اور یہ بس الٹ گئی۔اس حادثہ کے وقت بس میں 45مسافرین سوارتھے جو اے پی کے وشاکھاپٹنم سے حیدرآباد جارہی تھی۔ان میں سے زیادہ تر مسافرین کا تعلق اوڈیشہ سے تھا۔اطلاع ملتے ہی پولیس وہاں پہنچی جس نے زخمیوں کو علاج کے لئے جگیاپیٹ کے سرکاری ہاسپٹل منتقل کیا۔بتایاجاتا ہے کہ گاڑی چلاتے وقت ڈرائیور،حالت نیند میں تھا۔یہی وجہ حادثہ کی سبب بنی۔پولیس نے ڈرائیور کے خلاف معاملہ درج کرلیا جو اس حادثہ کے بعد وہاں سے فرار ہونے میں کامیاب رہا۔پولیس نے اس سلسلہ میں ایک معاملہ درج کرکے جانچ شروع کردی۔
