نئی دہلی: کورونا کے دو سالوں نے جدید تعلیمی نظام میں عدم مساوات کی خلیج کو مزید وسیع کر دیا ہے۔ تعلیمی ماہرین اور ایجوٹیک ماہرین کا کہنا ہے کہ حکومت کو عام بجٹ میں صرف بجٹ بڑھانے کے بجائے پرائمری اور سیکنڈری سطح پر تعلیم میں ڈیجیٹل انفراسٹرکچر کو مضبوط بنانے پر خصوصی توجہ دینا ہوگی، تب ہی نئی تعلیمی پالیسی کامیاب ہوگی۔ ماہرین تعلیم کا کہنا ہے کہ ورچوئل ایجوکیشن اب ایک حقیقت بن چکی ہے اس لیے سرکاری تعلیم کو اس سے دور نہیں رکھا جا سکتا۔ وزیر خزانہ نرملا سیتا رمن یکم فروری کو عام بجٹ پیش کریں گی۔
