ساؤ پالو: برازیل کی جنوبی ریاست ریو گرانڈے ڈو سل میں مسلسل چار دنوں سے جاری شدید بارش اور لینڈ سلائیڈنگ کے بعد آنے والے طوفان میں 29 افراد کی موت ہو گئی ہے اور 60 دیگر لاپتہ ہیں۔گورنر ایڈورڈو لیٹی نے جمعرات کو یہ اطلاع دی۔انہوں نے کہا کہ بدقسمتی سے ہم جانتے ہیں کہ یہ تعداد بڑھے گی۔ انہوں نے طوفان کو اعلیٰ زرعی اور مویشی پیدا کرنے والی ریاست کی تاریخ کی بدترین قدرتی آفت قرار دیا۔برازیل کے صدر لوئیز اناسیو لولا دا سلوا نے جمعرات کو ریاست کے سب سے زیادہ متاثرہ شہروں میں سے ایک سانتا ماریا کا دورہ کیا اور لیٹی سے ملاقات کی۔ لولا نے یوراگوئے اور ارجنٹینا کی سرحد سے متصل ریاست میں ہنگامی صورتحال سے نمٹنے کے لیے وفاقی فنڈنگ اور امداد کی پیشکش کی۔صدر نے کہا کہ صحت کی دیکھ بھال کے لیے وفاقی حکومت کی مدد کی کوئی کمی نہیں ہوگی، ٹرانسپورٹیشن اور خوراک کی دیکھ بھال کے لئے فنڈز کی کوئی کمی نہیں ہوگی۔ انہوں نے کہا کہ ہم 24 گھنٹے کوشش کریں گے۔
انڈونیشیا میں سیلاب ،7افراد ہلاک
جکارتہ: انڈونیشیا کے مشرقی صوبے جنوبی سولاویسی میں شدید بارشوں کے باعث تازہ مٹی کے تودے گرنے اور سیلاب کی وجہ سے سات افراد کی موت ہو گئی ہے ۔ صوبے کی آفات سے نمٹنے والی ایجنسی نے جمعہ کو یہ اطلاع دی۔جمعرات کی شام صوبے کے چھ علاقوں میں اچانک سیلاب اور لینڈ سلائیڈنگ ہوئی۔