کساد بازاری کے باوجود تعلیمی اداروں میں ایک لاکھ سے زائد طلبہ زیرتعلیم
احمد آباد۔ 6 فروری (سیاست ڈاٹ کام) انگلینڈ سمیت پورے یونائیٹڈکنگڈم ( یوکے ) میں ہندوستانی طلباء کی تعداد دونوں ممالک میں عالمی کساد بازاری کے اثر ات کے باوجود بڑھ رہی ہے اور وہاں کے تعلیمی اداروں میں تعلیم حاصل کرنے والے ہندوستانیوں میں سب سے زیادہ پسندیدہ کورس اب بھی بزنس مینجمنٹ اور انجینئرنگ ہی ہیں ۔ یوکے کی معروف یونیورسٹیوں میں سے ایک برسٹل میں واقع یونیورسٹی آف دی ویسٹ آف انگلینڈ (یوڈبلیو ای) کے انٹر نیشل ڈائریکٹر (ایشیا ) پروفیسر رے پریسٹ اور اس کے انٹرنیشنل آفس کی سربراہ محترمہ ایس ٹرنبل نے آج یہاں یہ معلومات دیتے ہوئے بتایا کہ ہندوستانی طلباء کی تعداد میں مزید اضافہ کرنے کے لئے ہی ان اداروں نے بھی پہلی بار اس سال ہندوستان میں اپنا کل وقتی دفتر شروع کرنے کا فیصلہ کیا ہے ۔ انہوں نے کہا کہ فی الحال یوکے کے 120 سے زائد تعلیمی اداروں میں ایک لاکھ سے زائد ہندوستانی طلباء زیر تعلیم ہیں ۔ ان کے ادارے میں کل ملا کر تقریبا 30 ہزار طلباء ہیں جن ہندوستانیوں کی تعداد پہلے کافی کم کے مقابلے میں اب تیزی سے بڑھ رہی ہے ۔ گزشتہ ایک سال میں ہی یہ تعداد تقریبا 107 فیصد بڑھی ہے ، کل ملا کر بین الاقوامی طلباء برادری کی تعداد میں 40 فیصد کا اضافہ ہوا ہے اور اگلے سال تک یہ 60 فیصد مزید بڑھنے کی امید ہے ۔ ایک سوال کے جواب میں مسٹر پریسٹ نے کہا کہ عالمی اقتصادی بحران سے ہر طرف پیدا شدہ سست روی کا یوکے اور ان کے اداروں میں پڑھنے آنے والے بیرون ملکی اور ہندوستانی طلباء کی تعداد پر کوئی اثر نہیں پڑا ہے اور بلکہ ان کی تعداد میں خاصا اضافہ ہی ہوا ہے ۔
