ویانا۔13 اگسٹ (سیاست ڈاٹ کام ) آسٹریلیائی اتھلیٹ نے تیراکی کا لباس پہن کر برف کے ڈبے میں زیادہ دیر تک بیٹھنے کا نیا عالمی ریکارڈ بنا ڈالا۔ تصور کریں کہ کوئی شخص برف کے باکس میں زیادہ سے زیادہ کتنی دیر رہ سکتا ہے، ایک منٹ، دو منٹ یا بیس منٹ لیکن آسٹریلیائی اتھلیٹ جوزف کوبرل ویانا کے مرکزی ریلوے اسٹیشن کے سامنے ایک برف کے ڈبے میں کندھوں تک ڈوب کر 2 گھنٹے 8 منٹ اور 47 سیکنڈ تک بیٹھے رہے۔ریکارڈ بنانے کی کوشش کرتے ہوئے جوزف کے جسم کا درجہ حرارت مسلسل دیکھا جاتا رہا۔ ایک طبی ٹیم اس بات کو یقینی بنانے کے لیے موجود تھی کہ جوزف کی جسمانی حالت بہت زیادہ خراب نہ ہو۔عالمی ریکارڈ بنانے کے بعد انہوںنے کہا کہ ایک ٹی وی چیلنج کے سلسلے میں انہوں نے ایک گھنٹہ برف کے ڈبے میں گزارا تو انہیں لگا کہ وہ ورلڈ ریکارڈ بھی توڑ سکتے ہیں۔ یاد رہے کہ اس سے قبل ورلڈ ریکارڈ 1 گھنٹے 53 منٹ اور 10 سیکنڈ کا تھا جو 2014ء میں چینی ایتھلیٹ جن سنگھہاؤ نے بنایا تھا۔
