تل ابیب : اسرائیلی وزیر اعظم بن یامین نیتن یاہو اپنے سابقہ بیانات پھر دہرانے لگے ہیں جو کہ انہوں نے حالیہ ایام میں جنوبی غزہ کی پٹی پر حملہ کرنے کے اپنے عزم کے حوالے سے جاری کیے تھے۔ یاد رہے کہ رفح میں فوجی کارروائی پر امریکہ نے خدشات کا اظہار کرتے ہوئے دیگر متبادل راستہ تلاش کرنے کا کہا تھا تاہم نیتن یاھو نے پھر کہا ہیکہ رفح میں آپریشن کا کوئی متبادل نہیں ہے۔ان کا خیال تھا کہ اسرائیل کے پاس رفح میں آپریشن کے سوا کوئی چارہ نہیں ہے۔ان کا کہنا تھا کہ رفح میں موجود حماس کے عناصر کو ختم کرنا ضروری ہے۔اسرائیلی وزیراعظم نے قانون سازوں کے سامنیبیان دیتے ہوئے اتحادی ملک امریکہ کی طرف سے اپنی قیادت کے خلاف بڑھتی ہوئی تنقید کو مسترد کردیا ہے۔انہوں نے کہا کہ اسرائیل کے اندر ایسی جماعتیں موجود ہیں جو حکومت کے خلاف امریکیوں کے ساتھ تعاون کر رہی ہیں۔انہوں نے وضاحت کی کہ امریکیوں کے ساتھ تنازعہ واشنگٹن کی جانب سے ان کی حکومت پر تنقید کے بعد سامنے آیا ۔
