نئی دہلی۔ ہندوستان کے ہوم سیزن کا آغاز 3 جنوری کو سری لنکا کے خلاف وائٹ بال سے ہونے والی سیریز کے ساتھ ہونا ہے لیکن جسپریت بمراہ، رویندرا جڈ یجہ اور رشبھ پنت کا ٹی 20 کے ساتھ ساتھ ونڈے اسکواڈ میں بھی کوئی ذکر نہیں ہے ۔ کی رپورٹ کے مطابق، بمراہ اور جڈیجہ سری لنکا سیریز میں سلیکشن کے لیے دستیاب تھے، لیکن منگل کی رات ٹیم کا اعلان کرنے والی سلیکشن کمیٹی نے فیصلہ کیا کہ یہ جوڑی، جو طویل عرصے سے باہر ہیں اس کی قومی ٹیم میں واپسی نہیں ہوئی۔وہ اس کے لئے پراکٹس چاہتے ہیں جو ایک مناسب میچ کے ذریعہ ممکن ہے، اور دیکھنا چاہتے ہیں کہ وہ بین الاقوامی کرکٹ میں واپس لانے سے پہلے کس طرح وہ خود کو فٹ پاتے ہیں ۔ بمراہ کے بارے میں رپورٹ میں کہا گیا، جوکمر کی تکلیف کے دوبارہ ہونے کے بعد سے ایکشن سے باہر ہیں۔ ستمبر میں آسٹریلیا کے خلاف ٹی20 کے دوران وہ زخمی ہوئے تھے۔ دوسری جانب جڈیجہ کو بنگلہ دیش کے دورے کے لیے ونڈے اور ٹسٹ اسکواڈ میں شامل کیاگیا تھا لیکن انہیں دونوں اسکواڈ سے واپس لے لیا گیا کیونکہ ستمبر میں گھٹنے کی تکلیف کے بعد ان کی صحت یابی ابھی جاری تھی۔ رپورٹ میں مزید کہا گیا ہے کہ سلیکٹرز اب انہیں میچ میں دیکھنا چاہتے ہیں تاکہ ان کی میچ فٹنس کو یقینی بنایا جا سکے۔ پنت بھی ان کھلاڑیوں میں شامل ہیں، جن کا نام منگل کو سری لنکا کے خلاف سیریز کے لیے سفید گیند کے اسکواڈ سے غائب تھا۔ لیکن رپورٹ میں کہا گیا ہے کہ بائیں ہاتھ کے وکٹ کیپرکو آسٹریلیا کے خلاف چار میچوں کی ٹسٹ سیریز سے قبل بنگلورو میں نیشنل کرکٹ اکیڈمی (این سی اے) بھیجا جا رہا ہے۔ رپورٹ میں مزید کہا گیا ٹیم انتظامیہ کو لگتا ہے کہ ٹسٹ میں ان کا کلیدی کردار ہوگا، اور اس سال 44 بین الاقوامی میچز کھیلنے کے بعد وقفے کی ضرورت ہے۔یاد رہے کہ ہندوستان کو لگاتار دوسری بار ورلڈ ٹسٹ چیمپئن شپ (ڈبلو ٹی سی ) فائنل کے لیے کوالیفائی کرنے کے لیے آسٹریلیا کے خلاف چار میں سے تین ٹسٹ جیتنے ہوں گے۔ بنگلہ دیش کے خلاف دوسرے ونڈے میں فیلڈنگ کے دوران بائیں انگوٹھے پر چوٹ لگنے کے بعد سے ایکشن سے باہر رہنے والے ہندوستان کے باقاعدہ کپتان روہت شرما نے نیٹ میں بیٹنگ شروع کردی ہے۔ توقع ہے کہ وہ جنوری کے پہلے ہفتے کے آخر تک مکمل طور پر فٹ ہو جائیں گے، سری لنکا کے خلاف ونڈے سیریز کے لیے مقررہ وقت پر وہ واپسی کریں گے لیکن وہ 3 جنوری سے شروع ہونے والے ٹی ٹوئنٹی کے لیے دستیاب نہیں ہوں گے۔ دوسری جانب کے ایل راہول اور ویراٹ کوہلی کو آرام دیا گیا ہے۔ بنگلہ دیش کے مکمل دورے میں کھیلنے کے بعد انہیں وقفہ کی ضرورت تھی ۔ اگرچہ ان دونوں میں سے کسی نے بھی وقفے کے لیے نہیں کہا۔
