ڈھاکہ: بنگلہ دیش نے آئی ایم ایف سے ساڑھے4 ارب ڈالرز کا قرض مانگ لیا۔ میڈیا رپورٹ کے مطابق آئی ایم ایف کی جانب سے بنگلہ دیش کو دئیے جانے والے1 ارب 50 کروڑ ڈالرز قرض پر بلاسود جبکہ3 ارب ڈالرز پر6 فیصد سود ہو گا۔ بنگلہ دیش کی جانب سے بیرونی ادائیگیوں اور بجٹ سپورٹ کے لیے آئی ایم ایف سے قرض مانگا گیا۔ میڈیا رپورٹ کے مطابق بنگلہ دیش اور آئی ایم ایف کے درمیان دسمبر میں سٹاف لیول معاہدہ ہو گا۔ جنوری میں بورڈ کی منظوری کے لیے پیش ہو گا۔ واضح رہے کہ بنگلہ دیش کا کرنٹ اکائونٹ خسارہ11 مہینوں میں17.20 ارب ڈالرز رہا ہے۔
