راولپنڈی ۔ بنگلہ دیش کے خلاف پہلے ٹسٹ کیلیے پاکستان کی11 رکنی ٹیم کا اعلان کردیا گیا ہے اور دونوں ٹیموں کے درمیان دو ٹسٹ مقابلوں کی سیریز کا پہلا مقابلہ کل یہاں شروع ہوگا ۔پہلے ٹسٹ کیلئے پاکستانی ٹیم 4 فاسٹ بولروں کے اشتراک کے ساتھ میدان میں اترے گی۔ شان مسعود پہلی مرتبہ گھریلو سیریز میں ٹیم کی قیادت کریں گے۔ ٹیم میں کپتان شان مسعود، سعود شکیل، عبداللّٰہ شفیق، بابر اعظم، خرم شہزاد، محمد علی، محمد رضوان، نسیم شاہ، صائم ایوب، سلمان آغا اور شاہین شاہ آفریدی شامل ہیں۔ واضح رہے کہ یہ جیسن گلیسپی کا بطور ہیڈ کوچ پاکستان ریڈ بال ٹیم، پہلا امتحان ہے۔ پاکستان اور بنگلہ دیش کے درمیان پہلا ٹسٹ میچ 21 اگست کو راولپنڈی کے پنڈی کرکٹ اسٹیڈیم میں کھیلا جائے گا۔
