وزیر اعظم نریندر مودی آج سے دو روزہ مصر دورے پر پہنچنے والے ہیں۔ اس دورے کے دوران وزیر اعظم مصر کی تاریخی مسجد الحکیم مسجد کا بھی دورہ کرنے والے ہیں۔ یہ مسجد اصل میں الحکیم بن عمرو اللہ کے والد خلیفہ العزیز باللہ نے 10ویں صدی کے آخر میں سن 990 میں تعمیر کی تھی اور بعد میں الحکیم نے اسے 1013 میں مکمل کیا تھا،مصر کی اس تاریخی مسجد کو الانور کے نام سے بھی جانا جاتا ہے جس کا مطلب ہے “روشن خیال”۔ اس کی تعمیر کا انداز فاطمیوں کی قائم کردہ مشہور پہلی مسجد الاظہر سے ملتا جلتا ہے۔ یہ قاہرہ شہر کی دوسری سب سے بڑی اور چوتھی قدیم ترین مسجد ہے،1000 سال پرانی الحکیم مسجد مصر کے دارالحکومت قاہرہ کے مرکز میں واقع ہے۔ حال ہی میں اس سال 27 فروری کو اسے 6 سال تک بند رہنے کے بعد کھولا گیا تھا۔ اس مسجد کو 6 سال سے دوبارہ تعمیر کیا جا رہا تھا۔ وزیر اعظم مودی 24 اور 25 جون کو مصر کے دورے پر رہیں گے۔ اس دوران ان کے دورہ کے آخری روز اس تاریخی مسجد کے دورہ کی تاریخ طے کر لی گئی ہے۔
