ایس آئی آر ہنگامہ پرالیکشن کمیشن کا نیا نوٹیفکیشن جاری
پٹنہ ۔24؍جولائی ( ایجنسیز )بہار میں جاری ایس آئی آر یعنی خصوصی گہری نظرثانی کا عمل تیز رفتاری کے ساتھ جاری ہے۔ ووٹرس کے ذریعہ فارم جمع کرنے کی آخری تاریخ 25 جولائی ہے۔ اس درمیان الیکشن کمیشن نے ایک نوٹیفکیشن جاری کرکے مطلع کیا ہے کہ چھوٹ گئے ووٹروں کا نام ووٹر لسٹ میں شامل کرنے کیلئے 30 دنوں کا وقت دیا جائے گا۔دراصل یکم اگست کو ووٹرس پر مبنی ترمیم شدہ مسودہ لسٹ الیکشن کمیشن کے ذریعہ شائع کیا جائے گا۔ اس بارے میں بہار کے چیف الیکٹورل افسر کے ذریعہ کچھ اہم گائیڈلائنس جاری کی گئی ہیں۔ گائیڈلائنس کے مطابق الیکٹر یا منظور شدہ سیاسی پارٹیاں یکم اگست سے یکم ستمبر تک اس اہل ووٹر کا نام ووٹر لسٹ میں جڑوا سکتے ہیں جو بی ایل او/بی ایل اے سے چھوٹ گیا ہو۔
علاوہ ازیں اگر کوئی غلطی سے ووٹر لسٹ میں شامل کر دیا گیا ہو تو اس کا نام بھی ہٹوا پائیں گے۔
