انقرہ:ترکیہ میں صدارتی اور پارلیمانی انتخابات اتوار کو ہوں گے۔ 64ملین ووٹرزحق رائے دہی استعمال کریں گے۔ ترک صدرطیب اردغان کے حریف کمال کلیک داراوغلو نے دارالحکومت انقرہ میں آخری انتخابی ریلی سے خطاب کیا۔ ریلی میں حامیوں کی بڑی تعداد نے شرکت کی اور ہاتھوں سے دل کے نشان بنا کرحمایت کا اظہارکرتے رہے۔کمال کلیک داراوغلو نے اپنے خطاب میں کہا کہ ہمارے کارکنان اور مبصرین انتخابات والے دن تمام بیلٹ بکسزپرگہری نظر رکھیں گے۔ ایک سروے کے مطابق ووٹنگ کے پہلے مرحلہ میں کلیک داراوگلو اردغان سے آگے ہیں، اگر کوئی امیدوار پہلے راؤنڈ میں نصف سے زیادہ ووٹ حاصل نہیں کرپاتا تو 28 مئی کو امیدواروں کے درمیان رن آف ہوگا۔
