پراجکٹس کے ذریعہ زائد از 80,000 افراد کو ملازمتیں
چنئی: تمل نڈو میں صنعتی ترقی کو فروغ دینے کے لئے منگل کو 49 پروجیکٹوں کو متعارف کرایا گیا جس میں کل 28508 کروڑ روپے کی سرمایہ کاری شامل ہے ۔ ان پروجیکٹوں میں 83482 لوگوں کو نوکریاں ملیں گی۔ ریاست میں سرمایہ کاری کانفرنس میں وزیراعلی ایم کے اسٹالن نے حصہ لیا اور 35 نئے پروجیکٹوں کے لئے سمجھوتہ کے میمورنڈم پر دستخط کئے ، جس میں کل 17141 کروڑ روپے کی سرمایہ کاری ہوئی اور 5000 سے زیادہ لوگوں کو نوکریوں کی پیشکش کی گئی۔ انعقاد کے دوران مسٹر اسٹالن کی جانب سے 4250کروڑ روپے کی سرمایہ کاری اور 21630 نوکریوں کی پیشکش والے 9 پروجیکٹوں کی بنادی رکھی گئی۔ اس میں ہوسور میں آئناکس ایئر پروڈکٹس کے ذریعہ ایک لکوڈ آکسیجن پیدواری یونٹ کی بنیاد رکھنا بھی شامل ہے جس میں ہر روز 200 ٹن کی صلاحیت کے ساتھ آکسیجن کا پروڈکشن ہوگا اوراس پر 150 کروڑ روپے کی سرمایہ کاری ہوگی۔ وزیر اعلی نے 7117کروڑ روپے کی سرمایہ کاری سے 6798 ملازمتیں فراہم کرنے والے پانچ دیگر پروجیکٹوں کی تجارتی پیداوار بھی شروع کی۔ ریاست میں محض دو ماہ پرانی ڈی ایم کے حکومت کے لئے یہ پہلا موقع ہے جب ایم او یو پر دستخط کریں۔ انہوں نے کہا کہ ریاست کے مختلف اضلاع میں مجموعی طور پر 28508 کروڑ روپے کی سرمایہ کاری اور 83482 افراد کو ملازمتوں کی پیش کش سے 49 پروجیکٹ شروع کیے گئے ہیں۔