تیونس : تیونس میں تقریباً 1500 بیکریاں آج سے روٹیاں (ڈبل روٹی ) بنانے کا سلسلہ روک رہی ہیں۔تیونسی نیشنل کنفیڈریشن آف انسٹی ٹیوشنز، کنیکٹ کے فیس بک پیج پر تیونس کے نانبائیوں نے ایک تحریری بیان جاری کیا ہے۔بیان میں کہا گیا کہ کنفیڈریشن کی چھتری تلے بیکرز کے اجلاس میں کنفیڈریشن سے منسلک تمام بیکریوں میں جن کی تعداد تقریباً 1500 ہے، میں آج سے روٹی کی پیداوار بند کرنے کا فیصلہ کیا گیا۔بیان میں اگرچہ روٹی کی پیداوار روکنے کے فیصلے کی وجہ اور مدت نہیں بتائی گئی تاہم تیونس کے حکام نے ابھی تک اس فیصلے کے حوالے سے کوئی بیان نہیں دیا۔
