لینڈنگ سے قبل کوسٹ گارڈ کے طیارے سے ٹکرا گیا۔ فلائیٹ میں 400 مسافر تھے
ٹوکیو:۔جاپان ایئر لائنز کا ایک جیٹ منگل کو ٹوکیو کے ہنیدا ہوائی اڈے پر کوسٹ گارڈ کے طیارے سے ممکنہ تصادم کے بعد آگ کی لپیٹ میں آگیا ایئر لائن کا کہنا ہے کہ تمام 379 مسافروں اور عملے کو بحفاظت نکال لیا گیا ہے۔جاپان ٹائمز کے مطابق کوسٹ گارڈ نے بتایا کہ طیارہ لینڈنگ سے قبل ان کے طیارے سے ٹکرا گیا۔کوسٹ گارڈ کے طیارے میں عملے کے 6 ارکان سوار تھے۔ آگ لگنے کے بعد ان افراد میں سے ایک زخمی حالت میں طیارے سے فرار ہونے میں کامیاب ہوگیا۔ تاہم عملے کے باقی 5 ارکان کے بارے میں کوئی اطلاع موصول نہیں ہوئی ہے۔ فی الحال فائر ڈیپارٹمنٹ کے ملازمین آگ بجھانے کی کوشش کر رہے ہیں۔ویڈیو فوٹیج میں طیارے سے شعلے اور دھواں نکلتے ہوئے دکھایا گیا جو بعد میں بڑے پیمانے پر پھیل گیا۔ حکام جاپان کوسٹ گارڈ کے طیارے سے ممکنہ تصادم کی تحقیقات کر رہے ہیں۔اس میں کہا گیا ہے کہ طیارہ جے اے ایل کی پرواز 516 جاپان کے شن چٹوز ہوائی اڈے سے ہانیڈا کے لیے اڑان بھری تھی۔بعد میں ویڈیو میں دکھایا گیا کہ فائر عملہ پانی کی ندیوں سے آگ بجھانے کے لیے کام کر رہا ہے۔ آگ کے شعلے طیارے کے بیشتر حصے تک پھیل چکے تھے۔