جے پور: راجستھان کے دا رالحکومت جے پور میں 18 جولائی کو ایک روزہ آل انڈیا کنونشن کا انعقاد کیا جائے گا جس میں جذام کے مرض اور ان کے مسائل اور تکالیف کے بارے میں لوگوں کو آگاہ کیا جائے گا۔ راجستھان کے گورنر کلراج مشرا کنونشن کے مہمان خصوصی ہوں گے جب کہ اتر پردیش کے سابق گورنر رام نائک اس کی صدارت کریں گے ۔ اس میں بھگوان مہاویر وکلانگ سہایتا سمیتی جے پور کے بانی اور چیف سرپرست ڈی آر مہتا اپنا لیکچر دیں گے ۔ سارتھک مانو کشٹھ آشرم کے صدر سریش کول نے منگل کو یہاں میڈیا کو یہ جانکاری دی۔ انہوں نے کہا کہ ملک میں پہلی بار ایسا کنونشن منعقد کیا جا رہا ہے جس میں سول سوسائٹی کے نمائندے ، طبی شعبے سے وابستہ افراد اس کنونشن میں فعال کردار ادا کرتے ہوئے جذام سے متاثرہ افراد کو بااختیار بنانے ، شمولیت، روزی روٹی پیدا کرنے ، جذام کے تئیں مروجہ امتیازی سلوک کو ختم کرنے جیسے مسائل پر بات کرتے ہوئے مستقبل کے منصوبوں میں ان نکات پر کام کرنے کے لیے ایک ایکشن پلان تیار کیا جائے گا۔
تاکہ جذام سے متاثرہ افراد کی ہمہ گیر ترقی ممکن ہو سکے ۔
انہوں نے بتایا کہ کنونشن میں ملک بھر کی 18 ریاستوں سے جذام سے متعلق تنظیموں کے 42 نمائندے شرکت کریں گے ۔ ان کا کہنا تھا کہ ملک میں جذام کے 750 آشرم ہیں جہاں تقریباً 2.5 لاکھ جذام کے مریض ہیں۔ راجستھان میں جذام کے 13 آشرم ہیں جہاں چھ سو سے زیادہ جذام کے مریض ہیں۔ جذام کے مریضوں کو سماجی اور معاشی طور پر بااختیار بنانے کی ضرورت کی طرف اشارہ کرتے ہوئے ، انہوں نے کہا کہ اب ریاست میں کہیں بھی جذام کا مریض بھیک مانگنے میں مصروف نہیں ہے ۔