نئی دہلی، 31 اکتوبر (سیاست ڈاٹ کام) جرمن چانسلر انجیلا مرکل ہندوستان کے تین روزہ دورہ پر آج رات یہاں پہنچ رہی ہیں۔ذرائع کے مطابق انجیلا مرکل کا سرکاری دورہ کل سے شروع ہوگا اور صبح میں راشٹر پتی بھون کے صحن میں ان کا رسمی استقبال کیا جائے گا۔ بعد میں وہ راج گھاٹ جا کر بابائے قوم مہاتما گاندھی کی سمادھی پر گلپوشی کریں گی۔دن میں ان کی وزیر اعظم نریندر مودی کے ساتھ حیدرآباد ہاؤس میں وفد پر مشتمل دو اجلاس ہو گا اور دونوں ممالک کے درمیان دو طرفہ تعاون کے کئی معاہدوں پر دستخط کیے جائیں گے ۔وہ صدر رام ناتھ کووند سے بھی ملاقات کریں گی۔ ہفتہ کو وہ دوارکا سیکٹر- 21 کے میٹرو اسٹیشن کا دورہ کریں گی اور ایک کاروباری وفد سے ملاقات بھی کریں گی۔قابل ذکر ہے کہ انجیلا مرکل کا دورہ کچھ دن پہلے ہی جرمن پارلیمنٹ نے ایک قرارداد کے ذریعہ منظور کیا ہے جس میں ہندوستان کے ساتھ جرمنی کے تعلقات کو مزید گہرا کرنے کا عہد کیا گیا ہے ۔
