لکھنؤ 15جولائی (یواین آئی) سماج وادی پارٹی (ایس پی) کے صدر اکھلیش یادو نے ایک بار پھر جل جیون مشن پر بدعنوانی کا الزام لگاتے ہوئے کہا کہ اضلاع میں جل جیون مشن اسکیم کے تحت بنائی گئی پانی کی ٹنکیاں ٹوٹ رہی ہیں۔ پائپ لائنیں پھٹ رہی ہیں۔ سڑکوں میں دراڑیں آرہی ہیں۔اب تو پل اور پلیا بھی ٹوٹ رہی ہیں۔منگل کو جاری ایک بیان میں یادو نے کہا کہ بی جے پی حکومت میں بدعنوانی کے تمام ریکارڈ ٹوٹ گئے ہیں۔ ہر محکمے اور ہر کام میں کرپشن اور لوٹ مار ہے ۔ تعمیراتی کاموں میں کمیشن لینے کی وجہ سے معیار کے مطابق کام نہیں ہو رہا۔ بارش شروع ہوتے ہی گورکھپور لنک ایکسپریس وے میں کرپشن کا پردہ فاش ہوگیا۔سات ہزار کروڑ سے زیادہ کے خرچ سے کئی سالوں میں تعمیر کی گئی سڑک میں دراڑ پڑ گئی ہے ۔ چترکوٹ میں کروڑوں روپے کی لاگت سے بنائے گئے پلوں کی اپروچ مارگ دھنس گیا ہے ۔ بی جے پی حکومت عوام کا پیسہ لوٹ رہی ہے ۔ بی جے پی حکومت میں بدعنوانی کی تمام حدیں پار کر دی گئی ہیں۔
