سیول : جنوبی کوریا میں ایک ہوٹل میں آتشزدگی کے نتیجے میں 7 افراد ہلاک اور 12 زخمی ہوگئے۔ بتایا گیا ہے کہ جنوبی کوریا کے دارالحکومت سیول کے جنوبی علاقہ بوچیون میں گرانڈ پیلس ہوٹل کی 9 منزلہ عمارت کی آٹھویں منزل پر آگ لگی۔ مزید بتایا گیا کہ فائر فائٹرز نے 44 افراد کو بچالیا اور 100 افراد اپنی مدد آپ بحفاظت نکلنے میں کامیاب ہوئے۔بوچیون کے محکمہ صحت کے ڈائریکٹر کم اُن جائے نے کہا کہ 3 زخمیوں کی حالت تشویش ناک ہے تاہم زخمیوں کو قریبی اسپتال منتقل کردیا گیا ہے جہاں انہیں بہتر طبی امداد فراہم کی جا رہی ہے۔حکام آگ لگنے کی وجہ جاننے کے لئے تحقیقات کر رہے ہیں۔
