نئی دہلی: جنوری میں خوردہ افراط زر 6.52 فیصد کی تین ماہ کی بلند ترین سطح پر پہنچ گیا۔ اس کے ساتھ ہی مہنگائی ایک بار پھر ریزرو بینک کی تسلی بخش سطح سے اوپر چلی گئی ہے۔ صارفین کی قیمت کے اشاریہ پر مبنی افراط زر دسمبر میں 5.72 فیصد اور جنوری 2022 میں 6.01 فیصد تھی۔ غذائی اشیاء کی افراط زر جنوری میں 5.94 فیصد رہی جو دسمبر میں 4.19 فیصد تھی۔ اس سے قبل اکتوبر کے مہینے میں خوردہ مہنگائی 6.77 فیصد کی بلند ترین سطح پر تھی۔ ریزرو بینک آف انڈیا مالیاتی پالیسی پر غور کرتے ہوئے بنیادی طور پر خوردہ افراط زر کو دیکھتا ہے۔ مرکزی بینک کو مہنگائی کو 2 فیصد کی حد کے ساتھ 4 فیصد پر رکھنے کی ذمہ داری سونپی گئی ہے این ایس او کے جاری کردہ اعداد و شمار کے مطابق شہری علاقوں میں مہنگائی 6 فیصد تک پہنچ گئی ہے جبکہ دسمبر میں یہ 5.39 فیصد تھی۔ اسی وقت، دیہی علاقوں میں مہنگائی دسمبر میں 6.05 فیصد تھی جبکہ جنوری میں یہ کم ہو کر 6.85 پر آ گئی ہے۔ یہ ڈیٹا دیہی علاقوں کی 1181 مارکیٹوں اور شہری علاقوں کی 1114 مارکیٹوں سے اکٹھا کیا گیا ہے۔
