واشنگٹن: نو منتخب امریکی صدر جو بائیڈن نے اپنی پوری میڈیا ٹیم میں خواتین کو منتخب کیااور کہا جا رہا ہے کہ یہ امریکی تاریخ میں پہلی مرتبہ ہوا ہے کہ صرف خواتین کو کمیونیکیشن ٹیم کے طور پر منتخب کیا گیا ہے۔فرانسیسی خبر رساں ایجنسی اے ایف پی کے مطابق 41 سالہ جین ساکی وائٹ ہاؤس کی پریس سیکرٹری ہوں گی جو اس سے قبل کئی دیگر اہم عہدوں کے علاوہ سابق صدر بارک اوباما کی انتظامیہ میں وائٹ ہاؤس کی کمیونیکیشن ڈائریکٹر رہ چکی ہیںجو بائیڈن نے کہا ہے کہ ’مجھے وائٹ ہاؤس کی خواتین پر مشتمل کمیونیکیشن ٹیم کے بارے میں اعلان کرتے ہوئے فخر محسوس ہو رہا ہے۔‘ان کا کہنا تھا کہ ’یہ قابل اور تجربہ کار خواتین اپنے کام میں ماہر ہیں اور ملک کے لیے بہتر ثابت ہوں گی۔‘جین ساکی کے علاوہ چھ دیگر خواتین کو بھی میڈیا ٹیم میں منتخب کیا گیا ہے۔
