نیویارک : اقوام متحدہ کے سیکرٹری جنرل انتونیو گوٹریس کاکہنا ہے کہ جوہری ہتھیاروں کو دباؤ کے عنصر کے طور پر استعمال کیا جاتا ہے۔جوہری تباہی کا خطرہ اب سرد جنگ کے بعد اپنی بلند ترین سطح پر ہے۔کیوڈو نیوز ایجنسی کی خبر کے مطابق جاپان کے شہر ناگاساکی میں امریکہ کی طرف سے ایٹم بم گرائے جانے کی 78 ویںبرسی کے موقع پر ایک یادگاری تقریب کا انعقاد کیا گیا۔تقریب سے اپنے پیغام میں اقوام متحدہ کے سیکرٹری جنرل گوٹیرس نے کہا کہ جوہری ہتھیاروں کا خاتمہ اقوام متحدہ کی سب سے عدم مسلح کرنے کی اولینت کی ترجیحات میں شامل ہے۔گوٹریس نے کہا کہ جوہری خطرے کو ختم کرنے کا واحد طریقہ جوہری ہتھیاروں کا خاتمہ ہے۔ناگاساکی اور ہیروشیما جیسی تباہیوں کو دہرانے کی ہر گز اجازت نہ دینے پر زور دینے والے اقوام متحدہ کے سیکرٹری جنرل نے کہا1945 کے خوفناک درس کے باوجود، انسانیت کو اب ہتھیاروں کی ایک نئی دوڑ کا سامنا ہے۔ جوہری ہتھیاروں کو دباؤ کے آلہ کار کے طور پر استعمال کیا جاتا ہے۔ جوہری تباہی کا خطرہ اب سرد جنگ کے بعد اپنی بلند ترین سطح پر ہے۔گوٹیرس نے نشاندہی کی کہ جوہری ہتھیاروں کا کوئی بھی استعمال ناقابل قبول ہے اور عالمی برادری کو جوہری خطرے کے پیش نظر یکجا ہو کر بات کرنی چاہیے۔”جوہری طاقتیں اس سے بھی جدید ترین ہتھیاروں کی دوڑ میں ہیں تو ہم خاموش تماشائی بنے نہیں بیٹھیں گے۔
