حیدرآباد : جناب محمد مسیح اللہ خان صدرنشین تلنگانہ اسٹیٹ حج کمیٹی و جناب بی ۔ شفیع اللہ (آئی ایف ایس ) ایگزیکٹیو آفیسر تلنگانہ اسٹیٹ حج کمیٹی نے اپنے ایک مشترکہ صحافتی بیان میں کہاکہ حج 2021 کیلئے عازمین حج آن لائن درخواستیں داخل کرنے کی اتوار 10جنوری آخری تاریخ ہے ۔ انہوں نے کہا کہ ایسے عازمین حج جنہوں نے ابھی تک حج کیلئے آن لائن درخواستیں داخل نہیں کی ہیں وہ اتوار 10جنوری تک اپنی درخواستیں داخل کرسکتے ہیں ۔ جناب محمد مسیح اللہ خان صدرنشین تلنگانہ اسٹیٹ حج کمیٹی نے کہا کہ عازمین حج اپنے موبائیال فون سے یا پھر سنٹرل حج کمیٹی کی ویب سائٹ
www.hojcommittee.gov.in
پر بھی آن لائن درخواستیں داخل کرسکتے ہیں ۔ عازمین حج براہ راست حج ہاؤز نامپلی حیدرآباد میں موجود مفت حج آن لائن سرویس کاؤنٹرس سے بھی استفادہ حاصل کرسکتے ہیں ۔ انہوں نے عازمین حج سے گذارش کی کہ وہ آن لائن درخواست داخل کرنے کیلئے اپنے ساتھ ضروری دستاویزات جیسا کہ پاسپورٹ ، بینک کی پاس بک یا چیک ، وائٹ بیک گراؤنڈ کے ساتھ پاسپورٹ سائز فوٹوز اور کسی بھی بینک کا ڈیبٹ کارڈ یا کریڈٹ کارڈ اپنے ساتھ لائیں ۔ عرفان شریف اسسٹنٹ ایگزیکٹیو آفیسر تلنگانہ اسٹیٹ حج کمیٹی نے بتایا کہ قواعد کے مطابق ایسے افراد درخواستیں داخل کرسکتے ہیں جن کے پاس مشن سے پڑھا جانے والا پاسپورٹ موجود ہو، جس کی مہلت 10جنوری 2022 تک ہونی چاہیئے ۔ مزید تفصیلات تلنگانہ اسٹیٹ حج کمیٹی کی ویب سائٹ
www.telanganastatehajcommittee.com
یا فون 040-23298793 پر ربط پیدا کریں یا براہ راست دفتر کے اوقات میں ملاقات کرسکتے ہیں ۔
