ریاض: سعودی عرب میں مکہ مکرمہ اور مدینہ منورہ کے درمیان برق رفتار ٹرین سروس کی وجہ سے زائرین کے لئے ان دو شہروں کے درمیان سفر کا دورانیہ دو گھنٹے 20 منٹ کا رہ گیا ہے۔عرب نیوز کے مطابق 300 کلومیٹر فی گھنٹہ کی رفتار سے چلنے والی ’حرمین ایکسپریس‘ مملکت کے ٹرانسپورٹ کے مربوط نظام کا حصہ ہے۔اس ٹرین میں 400 سے زائد بزنس اور اکانومی کلاس مسافروں کی گنجائش ہے جبکہ اس کا کرایہ 40 سے ڈیڑھ سو ریال تک ہے۔حرمین ایکسپریس جدہ اور کنگ عبداللہ اکنامک سٹی کے اسٹیشن پر رکتی ہے۔مملکت کی وزرات حج و عمرہ کی جانب سے جاری کی گئی ویزہ سکیم کے تحت اس وقت پوری دنیا کے زائرین عمرے کی ادائیگی کے لیے سعودی عرب میں موجود ہیں۔عمرہ زائرین کو مشکلات سے محفوظ مذہبی اور ثقافتی ماحول فراہم کرنا سعودی عرب کے وڑن 2030 کا اہم جزو ہے۔
