صنعاء : یمن کے مغربی ساحل پر مشترکہ افواج کے ملٹری میڈیا نے ایک ویڈیو شائع کی ہے جس میں حوثی ملیشیا سے تعلق رکھنے والے ہتھیاروں اور دھماکہ خیز مواد کے ایک نئے بحری اسمگلنگ سیل کے اعترافات شامل ہیں۔نام نہاد احمد حلص، جس کی کنیت ’محمود‘ بتائی گئی ہے، کی سربراہی میں یہ سیل 5 ارکان پر مشتمل ہے جس میں الطیب محمد عبداللہ العمری، حمادہ محمد عبداللہ العمری، خالد احمد عبداللہ علی، محمد بخیت علااللہ بخیت اور عبداللہ یحییٰ عباس منصاری شامل ہیں۔ یہ سب الحدیدہ بندرگاہ پر ملاح کے طور پرکام کرتے ہیں۔سیل کے ارکان نے اپنے اعترافی بیان میں کہا کہ انھیں حوثی اہلکاروں نے بھرتی کیا تھا جو الحدیدہ (مغربی یمن) کی بندرگاہ کے اندر سے اسمگلنگ کا نیٹ ورک چلاتے ہیں۔ اس کے سربراہ ابو علی الکہلانی سکیورٹی سپروائزر اور ابو سجاد منصور احمد السعدی تھے۔سیل کے ارکان کے اعترافات نے جیبوتی سے دو کھیپوں کو الحدیدہ کی بندرگاہ پر منتقل کرنے کی بھی تصدیق کی ہے جبکہ انھیں کوسٹ گارڈ فورسز کی تیسری کارروائی میں بین الاقوامی گزرگاہ (باب المندب آبنائے) کو عبور کرتے ہوئے گرفتار کیا گیا تھا۔مشترکہ افواج کے میڈیا کے مطابق اعترافات میں حوثی ملیشیا کی جانب سے الحدیدہ بندرگاہ کو فوجی مقاصد کیلئے استعمال کرنے کی اضافی مذمت کی گئی ہے۔
یاد رہے کہ چند دن قبل بھی ایک چھوٹا جہاز عسیر ریجن میں گرا تھا تاہم اس کے سوار افراد بچ گئے تھے۔
