ماسکو : حوثی کے نام سے پہچانے جانے والی یمن کی انصار اللہ تحریک نے اتوار کو تصدیق کی کہ اس نے اسرائیل کے جنوبی شہر ایلیٹ میں اہداف پر حملہ کیا اور بحیرہ احمر میں امریکی کنٹینر جہاز پمبا پر بیلسٹک میزائل اور بغیر انسان کے فضائی گاڑیوں (یو اے وی) سے حملہ کیا تھا۔ حوثی فوج کے ترجمان یحییٰ ساری نے سوشل میڈیا پر کہا کہ ‘‘یمن کی مسلح افواج کی میزائل فورس نے متعدد بیلسٹک میزائلوں سے جنوبی مقبوضہ فلسطین کے علاقے ام الرعش میں ایک اہم ہدف کو نشانہ بناتے ہوئے ایک مخصوص فوجی آپریشن چلایا جبکہ بحریہ ، یو اے وی اور یمنی میزائل دستوں کی میزائل فورسز نے متعدد بیلسٹک میزائلوں اور ڈرونز کے ساتھ بحیرہ احمر میں امریکی بحری جہاز ‘پمبا’ کو نشانہ بناتے ہوئے ایک مشترکہ فوجی آپریشن چلایا۔ انہوں نے کہا کہ آپریشن کے نتیجے میں جہاز پر براہ راست حملہ ہوا۔
سیکوریٹی اداروں کی کارکردگی مشکوک: ٹرمپ
نیویارک : سابق امریکی صدر ڈونالڈ ٹرمپ نے امریکی ٹی وی کو انٹرویو میں کہا ہے کہ مجھ پر قاتلانہ حملے کی پیشگی اطلاع نہیں دی گئی، یہ ایک غلطی تھی۔ ڈونالڈ ٹرمپ نے قاتلانہ حملہ سے متعلق سیکوریٹی اداروں کی کارکردگی پر سوالات اٹھا دیے، انہوں نے کہا کہ اگر مجھے بتایا جاتا تو میں 15 یا 20 منٹ انتظار کرلیتا۔ انہوں نے کہا کہ کوئی شخص چھت پر چڑھا کیسے؟ اس کے بارے میں پتہ کیوں نہیں چلا۔