بدایوں۔ انترراشٹریہ ہندو پریشد کے صدر پروین توگڑیا نے ایک بار پر حکومت سے تبلیغی جماعت پر پابندی عائد کرنے کا مطالبہ کیا ہے ۔ قصبہ اساواں گاؤں میں میڈیا نمائندوں سے بات چیت میں توگڑیا نے ہفتہ کو کہا کہ تبلیغی جماعت پر پابندی کے ساتھ آبادی کنٹرول قانون بنانے کا مطالبہ کیا۔توگڑیا یہیں نہیں رکے بلکہ کاشی متھرا قانون بنا کر دونوں مقامات پر مندر کی تعمیر کرنے کی مرکزی حکومت کو نصیحت دی۔ توگڑیا نے کسانوں کی پیدوار کی مناسب قیمت کے لئے کم از کم امدادی قیمت بنانے کا مطالبہ کرتے ہوئے کہا کہ ہندوتو کی بات کرنا بند کرو اور کام کر کے دکھاو۔انہوں نے کہا کہ قانون ایسا ہونا چاہئے کہ دو سے زیادہ بچے پیدا کرنے والوں کو مفت یا سستا اناج کے علاوہ یگر سہولیات سے محروم کردیا جائے ۔مزید برآں اگر ضرورت پڑے تو ایسے افراد سے رائے دہی کا حق سلب کرلیا جائے ۔ توگڑیا اپنے متنازع بیانات کے ذریعہ سرخیوں میں رہتے ہیں ابھی کچھ دنوں قبل بھی انہوں نے حکومت سے تبلیغی جماعت پر پابندی عائد کرنے کا مطالبہ کیا تھا۔
