نئی دہلی: مرکزی وزیر نتن گڈکری، جن کی سیدھی بات کرنے کے انداز نے شاید انہیں بی جے پی کے اعلیٰ ترین فیصلہ ساز ادارے میں جگہ سے محروم کر دیا ہے، ایک بار پھر حکومت کے کام کاج پر سوال اٹھائے ہیں۔ گڈکری نے اتوار کو ایک پروگرام میں کہا کہ حکومت وقت پر فیصلے نہیں لے رہی ہے اور یہ ایک مسئلہ ہے۔ مرکزی وزیر نے کہا، “آپ حیرت انگیز کام کر سکتے ہیں اور ایسا کرنے کی صلاحیت بھی رکھتے ہیں۔ میرا ماننا ہے کہ ہندوستانی انفراسٹرکچر کا مستقبل روشن ہے۔ ہمیں دنیا کے سامنے اچھی ٹیکنالوجی، اچھی اختراع، اچھی تحقیق اور کامیاب طریقوں کو لانے کی ضرورت ہے۔ اور ملک کو قبول کرنے کی ضرورت ہے۔ ہمارے پاس متبادل مواد ہونا چاہیے تاکہ ہم معیار پر سمجھوتہ کیے بغیر لاگت کو کم کر سکیں۔ مینوفیکچرنگ میں وقت سب سے اہم چیز ہے، وقت سب سے بڑا سرمایہ ہے، سب سے بڑا مسئلہ یہ ہے کہ حکومت وقت پر فیصلے نہیں لے رہی ہے”
