نئی دہلی ۔ جنتادل (سیکولر) لیڈر اور سابق وزیراعظم ایچ ڈی دیوے گوڑا نے راجیہ سبھا میں کہا کہ حکومت کو کسانوں کے مسائل سلجھانے سنجیدہ کوششیں کرنی چاہئیں۔دیوے گوڑا نے صدر کے خطاب پر شکریہ کی تحریک پر بحث میں حصہ لیتے ہوئے کہا کہ کسانوں کو روکنے اور قلعہ بندی کاکوئی فائدہ نہیں ہوگا۔ اس سے مسائل کا حل نہیں نکلے گا۔ حکومت کو کسانوں کیساتھ مسلسل مذاکرات قائم رکھنے چاہئیں۔ انہوں نے کہا کہ ملک میں 90 فیصد چھوٹے اور حاشئے کے کسان ہیں۔ ان کے پاس ایک ایکڑ یا اس سے بھی کم زمین ہے ۔ ان کو سبسڈی وغیرہ کا بھی فائدہ نہیں مل پاتا۔انہوں نے بتایا کہ 50فیصد زرعی سبسڈی ٹریکٹر، دیگر زرعی آلات اور تکنیک وغیرہ کو خریدنے دی جاتی ہے۔
