حیدرآباد: مرکزی وزیر داخلہ امت شاہ کے قافلے کو ان کے سیکورٹی اہلکاروں نے کچھ دیر کے لیے روک دیا جب ہفتہ کو حیدرآباد کے بیگم پیٹ کے قریب ہوٹل کے دروازے کے سامنے ایک نامعلوم شخص کی گاڑی کھڑی تھی۔ اسی راستے سے امت شاہ کو ہوٹل میں داخل ہونا تھا۔ مبینہ طور پر یہ گاڑی تلنگانہ راشٹر سمیتی پارٹی لیڈر کی ہے شاہ کو زیڈ پلس سیکیورٹی حاصل ہے۔ وہ ہفتہ کو پریڈ گراؤنڈ میں حیدرآباد مکتی دیوس کی تقریبات میں شرکت کے لیے جمعہ کی شام سے ہی شہر میں ہیں۔ اس واقعہ کو مبینہ طور پر سیکورٹی کی خلاف ورزی کے طور پر دیکھا جا رہا ہے کیونکہ وی آئی پی کے تحفظ کا راستہ صاف کرنا اسٹینڈرڈ آپریٹنگ پروسیجر کا ایک اہم پہلو ہے۔
