دبئی۔ دبئی میں فروغ افرادی قوت و تعلیم نیخانگی ا سکول ستمبر سے کھولنے کا فیصلہ کیا ہے۔ فیصلہ ا?ئندہ تعلیمی سال 2021- 2020 کی تیاریوں پر بحث کے لیے منعقدہ ا?ن لائن اجلاس میں کیا گیا۔تفصیلات کے مطابق پرنسپلز کونسل کے سربراہ عبداللہ الکرم نے اجلاس میں کہا کہ ہم سب مل کر طلبہ کے مفاد میں کام کرتے رہیں گے۔ جلد ہی سب محسوس کریں گے کہ ہمارے اسکول نئے تعلیمی سال میں پہلے سے مختلف ہوں گے۔ انہوں نے مزید کہا کہ طلبہ، اساتذہ اور دفتری کارکنان کو سب کی صحت و سلامتی کے لیے مقرر ضوابط کا پوری طرح سے خیال رکھنا ہوگا۔اس موقع پر پرنسپلز نے کہا کہ وبا کے دوران ہر اسکول نے اپنے انداز سے مختلف تجربے کیے ہیں ان کا تبادلہ سب کے مفاد میں ہوگا۔یاد رہے کہ دبئی میں 209 خانگی اسکولس کام کررہے ہیں اور یہ 16 مختلف تعلیمی کورس پڑھا رہے ہیں۔خانگی ا سکولوں میں تین لاکھ کے لگ بھگ طلبہ تعلیم حاصل کررہے ہیں۔ دریں اثنا متحدہ عرب امارات کی ریاست راس الخیمہ نے سینما گھر، شادی ہال، تفریحی مراکز،کمپیوٹرگیمز اورا سپورٹس سینٹرز بحال کرنے کا اعلان کیا گیاہے۔ بیان میںکہاگیاکہ نئے کورونا وائرس کو پھیلنے سے روکنے کے لیے حفاظتی تدابیر کی پابندی کے ساتھ یہ سارے ادارے کھولے گئے ہیں۔سرکاری ہدایت نامے میں یہ بھی کہا گیا کہ 24 جون سے اسپورٹس گیمز سینٹرز حفاظتی تدابیر کی پابندی کیساتھ کھولنے کی اجازت دی گئی ہے۔ سینماگھر اور شادی ہالزسمیت تمام تفریحاتی ادارے 50 فیصدگنجائش کے ہی دائرے میں شائقین اور صارفین کو آنے کی اجازت دیں۔ سماجی فاصلے کا دھیان رکھیں خصوصا ٹکٹ کاؤنٹر پر ہجوم نہ ہو۔ صارفین کو آن لائن ٹکٹ لینے کی ترغیب دی جائے۔ راس الخیمہ کی حکومت نے یہ پابندی بھی لگائی ہے کہ ویٹنگ روم بندکردیے جائیں اورسینما گھروں، شادی گھروں اور تفریحاتی مراکز کے اندرکسی اور سرگرمی کی اجازت نہ دی جائے۔ بیان میں مزید کہا گیاکہ تمام ورکرز حفاظتی ماسک اور دستانے ہر وقت پہنے رہیں۔ سینیٹائزنگ کی پابندی کی جائے۔ ٹکٹ کاؤنٹر کوسینیٹائز کیا جائے۔ ہرگھنٹے پر ٹکٹوں کی خودکار مشینوں کو بھی سینیٹائز کیا جائے۔
