حیدرآباد 30 مئی (یو این آئی) دریائے کرشنا پر پروجیکٹس کی تعمیر کے مسئلہ پر دونوں تلگوریاستوں تلنگانہ اور اے پی کی جانب سے ایک دوسرے کے خلاف کی گئی شکایت کے پیش نظر کرشنا واٹر بورڈ کا اجلاس منعقد کیاجائے گا۔حیدرآباد کے جل سدھا میں 4جون کو 11بجے دن یہ اجلاس منعقد کیاجائے گا۔تلنگانہ اور اے پی کی حکومتوں کو بورڈ کے ممبر سکریٹری پرمیشم نے یہ اطلاع دی ہے ۔کلواکرتی،نیٹم پاڈو کی گنجائش میں تلنگانہ حکومت نے توسیع کی ہے ۔پڑوسی ریاست اے پی کا ماننا ہے کہ اس توسیع کی اعلی کونسل کی جانب سے اجازت نہیں دی گئی ہے ۔اے پی نے اس خصوص میں کرشنا بورڈ سے شکایت کی ہے ۔اس شکایت کے مختلف امور کا جائزہ لیتے ہوئے تلنگانہ کے محکمہ آبپاشی کی جانب سے بورڈ کو مکتوب روانہ کیاگیا ہے ۔اے پی کی شکایت کی بنیاد پر پروجیکٹس کی تفصیلات پیش کرنے کی بورڈ نے تلنگانہ حکومت کو ہدایت دی ہے۔ پالمور،رنگاریڈی، ڈنڈی،بھکتارام داد، تُمالا پروجیکٹ،واٹرگرڈپروجیکٹ کی تفصیلات پیش کرنے کی تلنگانہ حکومت کو ہدایت دی گئی ہے ۔اس شکایت علاوہ دیگر امور پر بھی تبادلہ خیال کئے جانے کی توقع ہے ۔دونوں حکومتوں نے بورڈ کو مختلف تجاویز بھی پیش کی ہیں،توقع ہے کہ اس اجلاس میں ان تجاویز پر بھی تبادلہ خیال اور غور کیاجائے گا۔