پروفیسر این وی اوما مہیش کا مطالعاتی فریم ورک
حیدرآباد۔ 8 مارچ (سیاست نیوز) تلنگانہ پولیوشن بورڈ نے دریائے کرشنا کے لئے ایک جامع حالات کی تشخیص اور انتظامی منصوبہ شروع کیا ہے جس کا مقصد جنوبی ہند کے بڑے دریائی نظاموں میں سے ایک کی ماحولیاتی صحت کو بحال کرنا ہے۔ مطالعہ کا فریم ورک ہفتہ کو نیشنل انسٹی ٹیوٹ آف ٹکنالوجی ورنگل کے پروفیسر این وی اوما مہیش نے پیش کی۔ مرکزی حکومت کے ’’نمامی گنگے‘‘ پروگرام پر مبنی یہ پراجکٹ تین سال کی مدت میں لاگو کرنے کا منصوبہ ہے۔ پبلک ہیلت انجینئرنگ ڈپارٹمنٹ کے سینئر افسران اور کمشنر اور میونسپل ایڈمنسٹریشن کے ڈائرکٹر نے پریزنٹیشن میں شرکت کی۔ مجوزہ فریم ورک کے مطابق یہ منصوبہ آلودگی کے ہاٹ اسپاٹ کی نشاندہی کرنے اور کرشنا ندی کے نظام میں پانی کے معیار کا جائزہ لینے کے لئے حالات کی تفصیل کے ساتھ شروع ہوگا۔ آلودگی کے ذرائع سے نمٹنے کے لئے انجینئرنگ اور حیاتیاتی مداخلت کی تیاری کی جائے گی۔ آخری مرحلہ دریا کی ماحولیاتی صحت کو برقرار رکھنے کے لئے ایک طویل مدتی انتظامی منصوبہ بنانے پر توجہ مرکوز کرے گا۔ پروفیسر اوما مہیش نے کہا کہ ایڈوانسڈ جیوگرافک انفارمیشن سسٹم میپنگ اور ہائیڈولوجیکل ماڈلنگ کا استعمال ان پورٹنٹس کی نشاندہی کرنے کے لئے کیا جائے گا جہاں سے صنعتی فضلہ اور گھریلو سیوریج دریا میں داخل ہوتا ہے۔ انہوں نے کہا کہ یہ مطالعہ دریائے طاس کے انتظام کا ایک مربوط طریقہ اپنائے گا جس میں نہ صرف دریائے کرشنا کے مرکزی راستے بلکہ اس کی معاون ندیوں کا بھی جائزہ لیا جائے گا تاکہ پورے طاس میں پانی کے بہاؤ ماحولیاتی صحت اور آلودگی کے ذرائع کا جائزہ لیا جاسکے۔ ش
