بیجنگ ۔ 12 ۔ نومبر (سیاست ڈاٹ کام) ’’دماغ مت کھاؤ‘‘ یہ جملہ دنیا بھر میں بولا جاتا ہے اور اسے کافی شہرت حاصل ہے ۔ اس جملہ کے بارے میں ا کثر اوقات جھگرالو لوگوں کو کہا جاتا ہے کہ دماغ مت کھاؤ لیکن حیران کن طور پر ایک حقیقی خبر چین سے سامنے آئی ہے جہاں پر ایک شخص کے دماغ میں موجود کیڑے کو نکال لیا گیا ہے جو اس کا دماغ کھا رہا تھا ۔ برطانوی خبر رساں ادارہ کے مطابق چین میں ایک شخص کے دماغ کے پیچیدہ ترین آپریشن کے بعد دماغ سے کیڑا نکل گیا ہے جو اس کے دماغ کو کھا رہا تھا لیکن حیرت انگیز طو رپر وہ شخص فوت نہیں ہوا ۔ چین کے دواخانہ میں داخل ہونے والے شخص ونگ لائی کو 2007 ء سے سر اور چہرے کے بائیں حصہ میں درد اور سند ہوجانے کی شکایت تھی جو کسی بھی طرح ٹھیک نہیں ہورہی تھی ۔ اس کے بعد ہرگزرتا دن اسے مزید کمزور اور متاثر کر رہا تھا ۔ اس نے پورے عرصہ میں چین کے بڑے دماغی ماہرین اور سرجن سے بھی رابطہ کیا لیکن وہ اس کی بگڑتی ہوئی کیفیت جاننے میں نا کام رہے ۔ اس کے بعد مریض کی صحت تیزی سے بگڑنے لگی اور دورے پڑنے لگے۔ یہاں تک کہ وہ ہوش میں نہیں رہتا اور اس کی بصارت بھی شدید طور پر متاثر ہوئی ۔ خوش قسمتی سے 2018 ء میں ڈاکٹر نے مرض شناخت کرتے ہوئے بتایا کہ دماغ میں کیچوا موجود ہے جو دما غ کو کھارہا ہے اور کھا کھا کر بہت بڑا بھی ہوگیا ہے لیکن دماغ کے نازک حصہ میں تلملا رہا ہے اور حساس حصہ کے آپریشن میں نقصان پہنچنے کا خدشہ ہے۔ اس کے بعد چین کے مشہور دواخانہ میں داخل کیا گیا اور پیچیدہ آپریشن کے بعد دماغ کا کیڑا نکال لیا گیا ۔ آ پریشن کے بعد جب کیڑے کو دکھایا گیا تو معلوم ہوا کہ وہ کتے اور بلیوں کی آنتوں میں پایا جاتا ہے اور انسانوں میں اس کی موجو دگی بہت کم دیکھی گئی ہے۔