ریاض ۔ یکم ؍ جولائی (کے این واصف) سعودی عرب مین موسم گرما جولائی اور اگسٹ گرم ترین مہینے ہوتے ہیں۔ اس سلسلہ مین محکمہ موسمیات نے کہا ہے کہ پیر کو دمام میں سے گرمی کی شدت میں اضافہ ہوا ہے۔میڈیا کے مطابق دمام ملک کا گرم ترین شہر ہے جہاں دن کے وقت 50 ڈگری ریکارڈ کی گئی ہے۔دوسرے نمبر پر مکہ مکرمہ ہے جہاں 43 ڈگری جبکہ ریاض تیسرے نمبر پر جہاں 42 ڈگری سینٹی گریڈ ریکارڈ کیا گیا۔محکمہ موسمیات نے شمالی حدود خطوں کے رہائشیوں کیلئے الرٹ جاری کرتے ہوئے کہا گرد آلود تیز ہوا ئیں بھی چل سکتی ہیں۔ محکمہ نے کہا ہیکہ دوپہر ایک بجے سے رات 10 بجے چلنے والی ہوا کی رفتار 49 کلو میٹر فی گھنٹہ ہوگی۔ گرد کی وجہ سے بیشتر علاقوں کے علاوہ کھلے مقامات اور ہائی وے پر حد نگاہ کافی حد تک متاثر ہوگی۔
