دہلی میں نقاب پوش لٹیروں نے ہوائی فائرنگ بھی کی
نئی دہلی: دہلی کے سمے پور بادلی علاقے میں کل دن دہاڑے نقاب پوش لٹیروں نے جویلر شوروم کو لوٹ لیا۔ تین لٹیرے شری رام جیولری شاپ میں داخل ہوئے ان کے چہروں پر نقاب تھے اورکسی نے ہیلمٹ لگا رکھی تھی۔ انھوں نے وہاں موجود ملازمین پراپنی پستول تان دی اوروہاں سے 480 گرام سونا لوٹ کر فرار ہو گئے جس کی مالیت تقریباً 30 لاکھ روپے بتائی گئی ہے۔ فرار ہوتے وقت انھوں نے ہوائی فائرنگ بھی کی۔سی سی ٹی وی فوٹیج میں تین لٹیروں کو موٹر سائیکل پرفرار ی کے دوران فائرنگ کرتے ہوئے دیکھا جاسکتا ہے۔ اس بعد پولیس مقام واقعہ پرپہنچ گئی اورچھان بین کی جارہی ہے۔دہلی کے ایک جویلری شوروم میں نقب لگا کرسرقہ کی سنگین واردات کو رونما ہوئے ابھی زیادہ وقت بھی نہیں گزرا تھا کہ اس تازہ واقعہ نے عوام میں خوف کی لہرپیدا کردی ہے۔