نئی دہلی ۔ دنیا بھر میں بڑے سوشیل میڈیا پلیٹ فارمس جیسے فیس بک ‘ انسٹاگرام اور واٹس ایپ وغیرہ بند ہوگئے ۔ کہا گیا ہے کہ کروڑہا صارفین اس سے متاثر ہوئے ہیں اور یہ کسی فنی خرابی کا نتیجہ ہے۔ واشنگٹن ‘ پیرس اور دنیا کے دوسرے بڑے اور گنجان آبادی والے شہروں سے بھی سوشیل میڈیا پلیٹ فارمس بند ہوجانے کی اطلاعات ملی ہیں۔ ان سوشیل میڈیا پلیٹ فارمس پر صارفین کیلئے یہ پیام آر ہا ہے کہ انہیںکچھ مسائل درپیش ہیں جنہیں دور کرنے کی کوشش کی جا رہی ہے ۔ سوشیل میڈیا پر یہ مسائل اس وقت پیدا ہوئے ہیں جبکہ ایک دن قبل ہی دنیا بھر میں معروف اور بڑی و مقتدر شخصیتوں کے بیرونی ممالک میں بھاری اثاثے جات کا انکشاف ہوا تھا ۔
