سدھارتھ نگر: اترپردیش کے وزیر اعلی یوگی آدتیہ ناتھ نے جمعہ کو کہا کہ ہندوستان دو سال کے اندر دنیا کی تیسری بڑی معیشت ہوگا۔یوگی ڈمریا گنج تحصیل علاقے میں گرو گورکھناتھ گیان استھلی بھارت بھاری کے افتتاحی تقریب میں کہا کہ راج کمار سدھارتھ کے نام سے اس ضلع کا نام پڑا ہے ۔ بغیر علم کے زندگی ادھری ہے ہندوستان میں ہمیشہ علم کی پوجا ہوتی رہی ہے۔ انہوں نے کہا کہ زندگی میں علم سے بڑی کوئی چیز نہیں۔ مرکز کی مودی حکومت اور ریاستی حکومت تعلیمی میدان کے فروغ کیلئے مسلسل کام کر رہی ہے ۔
انہوں نے کہا کہ 2008 میں بھارت بھاری میں آنے کیلئے جدوجہد کرنا پڑی، اس وقت جرائم پیشہ افراد کا راج تھا، بہن بیٹیاں، تاجر محفوظ نہیں تھے ، اس کے علاوہ تعلیمی میدان میں بھی یہ پسماندہ تھا، لیکن اب وقت بدل گیا ہے ۔ 10 سال کے اندر دنیا ایک نیا ہندوستان دیکھ رہی ہے ۔ اگلے دو سالوں میں ہندوستان دنیا کی تیسری سب سے بڑی معیشت بننے جا رہا ہے ۔
یوگی نے کہا کہ وزیر اعظم نریندر مودی کی قیادت میں تعلیم، کاروبار، سرمایہ کاری اور ادویات کے شعبوں میں اہم کام ہو رہا ہے ۔ بھارت اب پیچھے چلنے والا نہیں ہے اب دنیا ہندوستان کے پیچھے چلنے کے لئے تیار ہے ۔
