دوبئی 28 جنوری (سیاست ڈاٹ کام) دوبئی انٹرنیشنل ایرپورٹ نے آج کہاکہ وہ اب بھی دنیا کے مصروف ترین ایرپورٹ کے مقام پر مسلسل پانچویں مرتبہ برقرار ہے۔ 2018 ء میں ہندوستانی مسافرین اِس ایرپورٹ پر اُترنے والے سب سے زیادہ تعداد میں مسافر تھے۔ اِن کی تعداد 8 کروڑ 90 لاکھ تھی حالانکہ یہ تعداد مزید اضافہ ہوکر 9 کروڑ 3 لاکھ مسافر ہوچکی ہے لیکن دوبئی ایرپورٹ کو مصروف ترین ایرپورٹ 2018 ء کے اعداد و شمار کی بنیاد پر تسلیم کیا گیا ہے۔ تازہ ترین اعداد و شمار کے بموجب جملہ 89,149,387مسافروں نے 2018 ء میں دوبئی ایرپورٹ استعمال کیا تھا۔ ہندوستان سب سے زیادہ مسافرین کی حیثیت سے برقرار ہے۔ ہندوستان کے شہروں ممبئی، دہلی اور کوچین سے مسافر دوبئی پہونچتے ہیں۔
