نئی دہلی: نائب صدر جمہوریہ جگدیپ دھنکڑ اتوار کو راجستھان کے پشکر، کرنال اور میرٹا شہروں کا دورہ کریں گے اور سابق مرکزی وزیر ناتھورام مردھا کے مجسمے کی نقاب کشائی کریں گے ۔نائب صدر کے سکریٹریٹ نے جمعہ کو یہاں بتایا کہ کیا کہ دھنکڑ پشکر کے مقدس برہما مندر اور شری جاٹ شیو مندر میں پوجا کریں گے اور پھر ناگور میں واقع کھرنال جائیں گے ، جو معروف اور قابل احترام سماجی مصلح ویر تیجا جی کی جائے پیدائش ہے ۔ وہ میرٹا ٹاؤن میں سابق مرکزی وزیر آنجہانی ناتھورام مردھا کے مجسمے کی نقاب کشائی بھی کریں گے ۔نامور آزادی پسند اور ناگور کی کسان برادری کے ممتاز رہنما آنجہانی ناتھورام مردھا لوک سبھا کے چھ بار رکن رہے اور 1979-80 اور 1989-90 تک مرکزی وزیر کے طور پر انہوں نے خدمات انجام دیں۔ انہوں نے زرعی قیمتوں کے قومی کمیشن کے چیئرمین کے طور پر بھی خدمات انجام دیں۔
