ممبئی 14 جنوری (ایجنسیز) فلم دھورندھر نے 40 دنوں میں 1,262کروڑ روپے کما کر دنیا بھر میں باکس آفس پر تہلکہ مچا دیا ہے۔ فلم میں رنویرکے ساتھ اکشے کھنہ، ارجن رامپال، آر مادھون اور سنجے دت بھی نظر آئے۔ تاہم جس کو سب سے زیادہ کامیابی ملی وہ اکشے کھنہ تھے۔ اپنی طاقتور اداکاری، بہترین ڈائیلاگ ڈیلیوری، اورگانے پر رقص سے انہوں نے سب پر بازی مارلی۔ اب خبر سامنے آئی ہے کہ اکشے کھنہ دھْررندھر2 میں بھی نظرآئیں گے۔ دھررندھر میں رحمن ڈکیت کا کردار اداکیا تھا۔ فلم کے آخر میں رحمن کی موت دکھائی گئی جس سے اکشے کھنہ کا کردار ختم ہوگیا۔ تاہم بنانے والوں نے اسے دھورندھر 2 میں واپس لانے کا راستہ تلاش کرلیا ہے۔ رپورٹ میں کہا گیا ہے کہ دوسرا حصہ ان کے کردار کی بیک اسٹوری کو تلاش کرے گا۔ اس کا مطلب یہ ہے کہ اب رحمن ڈاکیت کے پیچھے کی کہانی دیکھنے کو ملے گی ۔ رپورٹ میں یہ بھی بتایا گیا کہ اکشے کھنہ شوٹنگ سیٹ پر واپس آنے والے ہیں۔ وہ ایک ہفتے تک دھورندھر2کی شوٹنگ کریں گے۔ تاہم دھورندھر2 میں ان کی واپسی کے بارے میں میکرزکی جانب سے ابھی تک کوئی باضابطہ معلومات جاری نہیں کی گئی ہیں۔ تاہم اگر وہ دھورندھر 2 میں نظر آتے ہیں تو یہ ان کے مداحوں کے لیے ایک بڑی خوشی ہوگی۔یہ فلم19 مارچ کو سینما گھروں میں ریلیز ہونے والی ہے۔ میکرز نے پہلی فلم کی ریلیزکے ساتھ ہی دوسری قسط کی ریلیز کی تاریخ کا اعلان کیا۔ شائقین اب دوسری قسط دیکھنے کے لیے پرجوش ہیں۔ دھورندھر2کے لیے کوئی آسان راستہ نہیں ہوگا۔ فلم دھورندھر 2 سینما گھروں میں یش کی فلم ٹاکسک کے ساتھ ٹکرانے والی ہے۔ ٹاکسک بھی 19 مارچکو ریلیز ہونے والی ہے۔ دیکھنا یہ ہے کہ دونوں میں سے کون سی فلم باکس آفس پرکامیابی حاصل کرتی ہے۔
