نئی دہلی، 22 جنوری (سیاست ڈاٹ کام) کانگریس نے آج دہلی اسمبلی انتخابات کے لئے پارٹی صدر سونیا گاندھی، سابق صدر راہول گاندھی اور پارٹی کی جنرل سکریٹری پرینکا گاندھی واڈرا سمیت 40 نمایاں تشہیر کاروں کی فہرست جاری کردی۔ کانگریس جنرل سکریٹری کے سی وینو گوپال کی جانب سے جاری فہرست کے مطابق پارٹی صدر سونیا گاندھی، گاندھی، واڈرا کے علاوہ سابق وزیر اعظم ڈاکٹر منموہن سنگھ، واڈرا اور پارٹی کے سینئر لیڈر غلام نبی آزاد پارٹی کی انتخابی مہم کی کمان سنبھالیں گے ۔دہلی اسمبلی کے لئے 8 فروری کو ووٹنگ ہوگی جبکہ11 فروری کو نتائج کا اعلان کیا جائے گا۔
ساتھ ہی پارٹی کے سینئر لیڈر پی سی چاکو، پارٹی کی دہلی اکائی کے صدر سبھاش چوپڑا، پنجاب کے وزیر اعلی کیپٹن امریندر سنگھ، راجستھان کے وزیر اعلی اشوک گہلوت، مدھیہ پردیش کے وزیر اعلی کمل ناتھ، چھتیس گڑھ کے وزیر اعلی بھوپیش بگھیل اور پڈو چیری کے وزیر اعلی وی نارائن سامی بھی پارٹی کے نمایاں تشہیر کاروں میں شامل ہیں۔اس کے علاوہ اجے ماکن، جے پی اگروال، میرا کمار، کَپل سبل، راج ببر، ششی تھرر، ہریش راوت، بھوپندر سنگھ ہڈا، شتردھن سنہا، نوجوت سنگھ سدھو، جیوتر آدتیہ سندھیا، سچن پائلٹ، رندیپ سنگھ سورجے والا ، کیرتی آزاد، ادت راج، ندیم جاوید، رنجیتا رنجن، کلجیت سنگھ ناگرا، راجکمار چوہان، سشمیتا دیو، بی وی سرینواس، نگما مرارجی، نیرج کندن، شرمشٹھا مکھرجی، راگنی نائیک ، خوشبو سندر ، نتن راوت اور سادھنا بھارتی شامل ہیں۔اس مرتبہ دہلی اسمبلی انتخابات کیلئے سخت مقابلہ کی توقع کی جارہی ہے۔ برسراقتدار عام آدمی پارٹی نے تمام حلقوں میں اپنے امیدوار کھڑا کئے ہیں جبکہ کانگریس بھی اس مرتبہ دہلی میں اپنے موقف کو بحال کرنے کیلئے بھرپور کوشش کررہی ہے۔ بی جے پی نے بھی اپنے اہم قائدین پر مشتمل انتخابی مہم کے لئے ایک فہرست جاری کی ہے۔ چیف منسٹر اروند کجریوال نے اس عزم کا اظہار کیا کہ عوام ان کے کام سے متاثر ہوکر انہیں دوبارہ برسراقتدار لائیں گے۔