نئی دہلی: دہلی شراب پالیسی گھوٹالہ معاملے میں عام آدمی پارٹی کے رکن پارلیمان سنجے سنگھ کی مشکلات میں اضافہ ہوتا جا رہا ہے۔ جمعہ کو دہلی راؤز ایونیو کورٹ نے ان کی عدالتی حراست میں توسیع کرتے ہوئے انہیں 10 نومبر تک جیل بھیج دیا۔ بتا دیں کہ سنجے سنگھ کو ای ڈی نے 4 اکتوبر کو گرفتار کیا تھا۔ عدالت میں سماعت سے قبل سنجے سنگھ نے کہا کہ حکومت کے خلاف جدوجہد جاری رہے گی۔سماعت کے لیے عدالت میں پیش ہونے سے پہلے، اے اے پی کے رکن پارلیمان نے خبر رساں ایجنسی پی ٹی آئی سے کہا، ‘اقتدار میں رہنے والوں کے خلاف لڑائی جاری رہے گی۔’ جب کہ آپ آدمی پارٹی کے رہنما کا دعویٰ ہے کہ انہیں بھارتیہ جنتا پارٹی (BJP) کی سازش کے تحت گرفتار کیا گیا ہے۔ اس سے قبل عام آدمی پارٹی کے رہنماؤں اور کارکنان نے دہلی میں مرکزی حکومت اور بی جے پی کے خلاف احتجاج کیا۔
