مسلسل نظر انداز ی کے بعدپہلی بار ٹیم انڈیا سے کال ،سرفراز فرسٹ کلاس سطح پر 14 سنچریاں اور تقریباً 4 ہزار رنز بنا چکے ہیں
ممبئی: لیجئے آخر کار وہ خبر آ ہی گئی جس کا ہندوستان کے کرکٹ مداحوں کو بے صبری سے انتظار تھا ۔ حیرت تھی کہ اخر گھریلو کرکٹ میں رنوں کی ایورسٹ بنانے والے بیٹسمین کو کیوں نظر انداز کیا جا رہا ہے۔ مسلسل رنز اور سینچریز بنانے کے بعد اخر کار ہندوستانی سلیکٹرز نے سرفراز خان کو انگلینڈ کے خلاف دوسرے ٹیسٹ کے لیے ٹیم میں شامل کیا ہے ۔ کئی بار نظر انداز کیے جانے کے بعد سرفراز کو پہلی بار ٹیم انڈیا سے کال آئی ہے۔ ہندوستان اور انگلینڈ کے درمیان دوسرے ٹیسٹ میچ سے قبل سلیکشن کمیٹی نے سرفراز کو ہندوستانی ا سکواڈ میں شامل کر لیا ہے۔ ٹیم انڈیا سے کال ملنے سے پہلے ہی سرفراز فرسٹ کلاس سطح پر 14 سنچریاں اور تقریباً 4 ہزار رنز بنا چکے ہیں۔ حیدرآباد میں ہندوستان اور انگلینڈ کے درمیان پہلا ٹیسٹ اتوار 28 جنوری کو ختم ہوا۔ ٹیم انڈیا کو اس میچ کے چوتھے دن شکست کا سامنا کرنا پڑا۔ شکست کے اگلے ہی دن ٹیم انڈیا کو ایک اور بری خبر ملی۔ اسٹار آل راؤنڈر رویندر جڈیجہ اور ڈیشنگ بلے باز کے ایل راہول چوٹ کی وجہ سے اگلے ٹیسٹ سے باہر ہوگئے۔ یہ دوسرا ٹیسٹ 2 فروری سے وشاکھاپٹنم میں ہونا ہے۔ ان دونوں کی چوٹ سے جہاں ٹیم انڈیا کو نقصان ہوا وہیں تین کھلاڑیوں کو فائدہ ہوا۔ سلیکشن کمیٹی نے اسکواڈ میں سرفراز خان، واشنگٹن سندر اور سوربھ کمار کو شامل کیا۔رویندر جڈیجہ اور کے ایل راہول دوسرے ٹیسٹ کے لیے دستیاب نہیں ہوں گے۔ ایسے میں سرفراز خان کے علاوہ بی سی سی آئی نے واشنگٹن سندر اور سورو کمار کو ٹیم میں شامل کیا ہے۔ اب سب کے ذہن میں ایک ہی سوال ہے کہ کیا سرفراز کو انڈین پلیئنگ الیون میں جگہ ملے گی؟ ویسے آپ کو بتاتے چلیں کہ سرفراز کے کھیلنے کی امیدیں پوری ہیں۔ اس کی وجہ کے ایل راہل بھی باہر ہیں۔ راہول ہندوستان کے مڈل آرڈر میں بلے بازی کرتے ہیں۔ ساتھ ہی سرفراز مڈل آرڈر میں بھی بیٹنگ کرتے ہیں۔ ڈومیسٹک کرکٹ میں سرفراز نے مڈل آرڈر میں بیٹنگ کرتے ہوئے کافی رنز بنائے ہیں۔ ایسے میں یقینی طور پر لگتا ہے کہ اب سرفراز کو دوسرے ٹیسٹ کے گیارہ میں بھی جگہ مل جائے گی۔مبئی کے بلے باز نے ڈومیسٹک کرکٹ میں لگاتار رنز بنائے لیکن پھر بھی نظر انداز کیا جا رہا تھا۔ جس کی وجہ سے مسلسل سوالات اٹھ رہے تھے۔ اس کی ایک بڑی وجہ ان کا انڈیا اے کے لیے اچھی کارکردگی کا مظاہرہ نہ کرنا بتایا جا رہا تھا لیکن حیدرآباد ٹیسٹ سے عین قبل سرفراز نے انگلینڈ لائنز کے خلاف انڈیا اے کے لیے 161 رنز کی شاندار اننگز کھیل کر اپنا جواب دیا اور بالآخر انھیں ٹیم انڈیا میں جگہ مل گئی۔یاد رہے کہ 26 سالہ سرفراز کافی عرصے سے اس کال کا انتظار کر رہے تھے اور اس کی بہت سی وجوہات ہیں۔ دائیں ہاتھ کے اس بلے باز نے گزشتہ 3 رنجی سیزن میں رنز بنائے ہیں۔ رنجی ٹرافی 20-20 کے سیزن میں، سرفراز نے ممبئی کے لیے 6 میچوں میں سب سے زیادہ 928 رنز بنائے، جس میں تین سنچریاں اور دو نصف سنچریاں شامل تھیں۔ پھر 2021-22 کے سیزن میں، اس نے پورے ٹورنامنٹ میں سب سے زیادہ رنز بنائے۔ اس بار انہوں نے 6 میچوں میں 982 رنز بنائے۔ ان کے بلے سے چار سنچریاں اور دو نصف سنچریاں بنیں۔سال2022-23 رنجی ٹرافی میں سرفراز نے چھ میچوں میں 556 رنز بنائے۔ اس طرح مجموعی طور پر سرفراز نے اپنے فرسٹ کلاس کیریئر میں مسلسل رنز بنائے ہیں۔ سرفراز نے اب تک 45 میچز کھیل کر مجموعی طور پر 3912 رنز بنائے ہیں جس میں ان کی اوسط 69.85 ہے۔ یہی نہیں، ان کے رنز بھی 70 کے تیز اسٹرائیک ریٹ پر آئے ہیں۔ سرفراز نے 14 سنچریاں اور 11 نصف سنچریاں اسکور کیں اور 301 (ناٹ آؤٹ) ان کا سب سے بڑا سکور ہے۔ حالانکہ، انہیں دوسرے ٹیسٹ میں ڈیبیو کرنے کا موقع ملے گا، لیکن اس وقت یہ مشکل لگ رہا ہے کیونکہ ان کے علاوہ رجت پاٹیدار بھی اس لائن میں ہیں اعلان کے بعد، سرفراز نے ہندوستانی بلے باز اور ممبئی کے ساتھی سوریہ کمار یادیو کی ایک پوسٹ شیئر کی جس میں لکھا تھا – ”میڈن انڈیا کال۔ اتسو کی تیاری کرو (جشن کے لیے تیار ہو جاؤ)کچھ دیر بعد سرفراز نے اپنے انسٹاگرام اسٹوری پر والد کے ساتھ اپنی ایک تصویر بھی شیئر کی -۔