ممبئی ۔یکم اکتوبر (ایجنسیز) فلم اسپرٹ اورکالکی 2 چھوڑنے کے بعد دیپیکا پڈوکون کے پاس اب بھی دو بڑے پروجیکٹس ہیں۔ ایک جس میں اللو ارجن اور ایٹلی ہیں، اور دوسرا شاہ رخ خان کے ساتھ کنگ ہے۔ دیپیکا پہلے ہی اپنے قریبی دوست شاہ رخ کے ساتھ کنگ کی شوٹنگ کر رہی ہیں لیکن یہ انکشاف ہوا ہے کہ ایٹلی کی فلم میں دیپیکا کا کردارکاٹ دیا گیا ہے۔ یہ دیپیکا کے لیے بڑا دھکا ثابت ہو سکتا ہے۔کئی حالیہ رپورٹس میں بتایا گیا ہے کہ فلم AA22xA6 میں دیپیکا پڈوکون کا اسکرین ٹائم ان کے کام کے اوقات کم کرنے کی وجہ سے کم کردیا گیا ہے۔ تاہم ایک ذرائع نے یہ بھی کہا ہے کہ ان خبروں میں کوئی صداقت نہیں ہے۔ایک رپورٹ کے مطابق دیپیکا پڈوکون اس ماہ کے آخر میں اللو ارجن کے ساتھ ایٹلی کی ہدایت کاری میں بننے والی فلم کی شوٹنگ شروع کریں گی۔ دعویٰ ہے کہ دیپیکا کے اسکرین ٹائم میں کمی کی خبریں غلط ہیں۔ جون میں فلم میں شامل ہونے کے بعد انہیں جوکردار پیش کیا گیا وہ بدستور برقرار ہے۔ اس کا کردار ایک طاقتور ہے، جو فلم کے پہلے اور دوسرے دونوں حصوں کے لیے ضروری ہے۔ دیپیکا پڈوکون نے اس پروجیکٹ کے لیے اکتوبرکے آخر سے دسمبر کے آخر تک کی تاریخیں محفوظکر دی ہیں۔ جب کہ پہلا شیڈول اپنے کردارکو قائم کرنے پر توجہ مرکوز کرے گا، دیپیکا نومبر میں بڑے پیمانے پر ایکشن سیٹ پرکام کریں گی۔ دسمبر میں ٹیم متحدہ عرب امارات جائے گی، جہاں اللو ارجن اور دیپیکا کے درمیان کئی اہم مناظر شوٹ کیے جائیں گے۔
