ونپرتی کلکٹریٹ کانفرنس ہال میںضلع کلکٹرکی ویڈیوکانفرنس‘نوڈل افسران وتحصیلداروں کی شرکت
ونپرتی 26نومبر(سیاست ڈسٹرکٹ نیوز) کلکٹریٹ کانفرنس ہال میں ضلع ایس پی ڈی سنیتا ریڈی نے انتخابی نوڈل افسران، ایم پی ڈی او اور تحصیلداروں کے ساتھ ویڈیو کانفرنس کے ذریعہ میٹنگ کی اور انتخابی ضابطہ اخلاق اور نامزدگی کے عمل کے بارے میں ہدایات دیں انتخابی ضابطہ اخلاق کے ایک حصے کے طور پر الیکشن ایکٹ 1977 کے مطابق پہلے 24، 48 اور 72 گھنٹوں میں نافذ کیے جانے والے قواعد پر سختی سے عمل درآمد کرنے کا حکم دیا گیا۔ونپرتی ضلع میں گرام پنچایت کے انتخابات تین مرحلوں میں ہوں گے پہلے مرحلے میں پیڈا منڈی، گھن پور، گوپال پیٹ، ریولی اور ادولہ منڈلوں میں 86 گرام پنچایتوں میں انتخابات ہوں گے اس کے لیے کل صبح 10 بجے تک فارم 1 کے ذریعے انتخابی نوٹیفکیشن جاری کیا جائے گا اور آر او آفس کے ساتھ ساتھ متعلقہ 87 گرام پنچایتوں میں چسپاں کردیا جائے گا انہوں نے کہا کہ کاغذات نامزدگی 27 نومبر کو صبح 10.30 بجے سے شام 5 بجے تک وصول کیے جائیں گے اور کاغذات نامزدگی داخل کرنے کی آخری تاریخ 29 نومبر شام 5 بجے ہوگی نامزدگیوں کی جانچ پڑتال 30 نومبر کو ہوگی اور جن کے کاغذات نامزدگی مسترد ہوئے ہیں انہیں یکم دسمبر کو آر ڈی او آفس میں اپیل کرنے کا موقع ملے گا امیدواری واپسی 3 دسمبر کو سہ پہر 3.00 بجے تک ہوگی انتخابات کا پہلا مرحلہ 11 دسمبر کو صبح 7 بجے سے دوپہر 2 بجے تک ہوگا ووٹوں کی گنتی اسی دن کی جائے گی اور نتائج کا اعلان کیا جائے گا کاغذات نامزدگی کلسٹر مراکز میں صرف ریٹرننگ آفیسر کے دفتر میں ہی قبول کیے جائیں گے امیدواروں کو صبح 6 بجے سے رات 10 بجے تک انتخابی مہم چلانے کی اجازت ہوگی لیکن لاؤڈ اسپیکر صرف صبح 6 بجے سے شام 6 بجے تک ہی چل سکیں گے امیدواروں کو لاؤڈ اسپیکر اور دیگر جلسوں کے لیے تحصیلدار سے اجازت لینا ہوگی کلکٹر نے ایم پی ڈی اوز کو حکم دیا کہ وہ 780 پولنگ اسٹیشنوں کا معائنہ کریں جہاں پہلے مرحلے کے انتخابات پہلے سے ہوں گے اور اس بات کو یقینی بنائیں کہ انہیں کم سے کم بنیادی ڈھانچے کی سہولیات میسر ہوں انہوں نے کہا کہ آج سے ضلع میں ایس ایس ٹی اور ایف ایس ٹی ٹیمیں تشکیل دی جائیں گی اور انتخابی ضابطہ اخلاق کی نگرانی کریں گی انہوں نے تنبیہ کی کہ عہدیدار اپنی انتخابی ڈیوٹی انتہائی احتیاط سے انجام دیں بصورت دیگر انتخابی ضابطہ اخلاق کے مطابق سخت کارروائی عمل میں لائی جائے گی۔ضلع ایس پی ڈی سنیتا ریڈی نے بتایا کہ ضلع میں 4چیک پوسٹیں قائم کی گئی ہیں اور آج سے نگرانی شروع کردی گئی ہے اور ایف ایس ٹی اور ایس ایس ایس ٹی ٹیموں میں تجربہ کار پولیس افسران کا تقرر کیا گیا ہے نامزدگی سنٹر کے سو میٹر کے اندر کسی کو بھی جانے کی اجازت نہیں ہوگی اور صرف دو افراد کو آر او آفس جانے کی اجازت ہوگی جو امیدوار اپنا کاغذات نامزدگی داخل کرنے آئے گا انہوں نے بتایا کہ پولنگ کے دن مسائل والے علاقوں میں پولیس کے سخت حفاظتی انتظامات کیے جائیں گے اور پولنگ کے پرامن اور شفاف انتخابات کے انعقاد کے لیے محکمہ پولیس کی جانب سے تمام اقدامات کیے جا رہے ہیں اس میٹنگ میں ایڈیشنل کلکٹر ریونیو این کھیمیا نائک، ایڈیشنل کلکٹر لوکل باڈیز یادیا، آر ڈی او سبرامنیم، ڈی پی او ترون چکرورتی، تمام نوڈل افسران، تحصیلدار، ایم پی ڈی او اور پنچایت سکریٹریوں نے شرکت کی۔