حیدرآباد۔4نومبر (ایجنسیز) ہندوستانی فلم ساز ایس ایس راجامولی مہیش بابوکے ساتھ اپنی آنے والی فلم کے لئے خبروں میں ہیں۔ فلم کا نام عارضی طور پر ایس ایس ایم بی29 ہے، لیکن اب ڈائریکٹر نے باضابطہ نام کا انکشاف کیا ہے۔ فلم کی ٹیم نے عنوان کے حقوق حاصل کر لیے ہیں اور امید کی جا رہی ہے کہ میکرز جلد ہی اس کا باضابطہ اعلان کریں گے۔ پرینکا چوپڑا مہیش بابو کی اس فلم میں کام کریں گی، جو توقع ہے کہ ایک بہت بڑی بجٹ والی فلم ہوگی۔ مہیش بابو کی سب سے زیادہ متوقع فلم کا آفیشل ٹائٹل سامنے آگیا ہے اور شائقین کافی پرجوش ہیں۔ فلم کے قریبی ذرائع کا خیال ہے کہ فلم کا نام “وارانسی ” رکھا جائے گا۔ یہ بتایا جا رہا ہے کہ ٹائٹل کے حقوق پہلے کسی اورکے پاس تھے، لیکن راجامولی کی کوششوں کے نتیجے میں اس کا حصول ممکن ہوا۔ کہا جا رہا ہے کہ یہ ٹائٹل فلم کے لیے بہت مناسب ہے۔اطلاعات کے مطابق، فلم کے بنانے والے 15نومبر کو ایک عظیم الشان تقریب کا منصوبہ بنا رہے ہیں، جو حیدرآباد کے راموجی راؤ فلم سٹی میں ہونے کا امکان ہے۔ اس تقریب میں ٹائٹل لانچ کیا جائے گا جس میں فلم کی پوری ٹیم موجود ہوگی۔ حیرتیں وہیں ختم نہیں ہوتیں۔ شائقین ذاتی طور پر اس عظیم الشان تقریب میں شرکت کر سکتے ہیں۔ تاہم اگر کچھ شرکت کرنے سے قاصر ہیں، تو اس پروگرام کو جیو ہاٹ اسٹار پر نشر کیا جائے گا۔پہلے یہ خبر تھی کہ مہیش بابو اور پرینکا چوپڑا کی فلم کا نام ’گلوبیٹروٹر‘ ہوگا لیکن اب ’وارنسی‘ کی تصدیق ہوگئی ہے۔ مبینہ طور پر عنوان ایک قدیم شہر کی نمائندگی کرتا ہے، جو کہانی سے گونجتا ہے۔ اس فلم میں پرتھوی راج سوکمارن بھی مرکزی کردار میں ہیں۔ شائقین فلم کا بے صبری سے انتظار کر رہے ہیں۔ رپورٹس کے مطابق یہ فلم 1000 کروڑ روپے کے بجٹ سے بنائی جا رہی ہے۔فلم کے اس نام کے بعد سوشل میڈیا پر مداح دو حصوں میں منقسم نظرآرہے ہیں ۔کچھ مداحوں کا کہنا ہے کہ راجا مولی کی فلم کا عنوان کچھ بھی فلم بہتر ہوتی ہے ۔
