حیدرآباد۔ سائبر آباد پولیس نے راجندر نگر قتل کیس میں ملوث تین قاتلوں کے خلاف پی ڈی ایکٹ نافذ کردیا۔ جنوری میں پیش آئے سنسنی خیز قتل کی واردات میں محمد خلیل نامی شخص کا بے رحمانہ انداز میں قتل کردیا گیا تھا۔ راجندر نگر پولیس نے اس سلسلہ میں 11 جنوری کو 29 سالہ شیخ رشید ، 28 سالہ محمد عظمت اور 27 سالہ سید عمران کو گرفتار کیا تھا۔ پولیس کمشنر سائبرآباد وی سی سجنار نے آج اس سلسلہ میں ان تینوں کیخلاف پی ڈی ایکٹ کو نافذ کردیا ۔ اصل سرغنہ رشید نے خلیل سے 13 لاکھ روپئے ادھار لیا تھا اور اس کی ادائیگی کیلئے وہ ان پر دباؤ ڈال رہا تھا۔ ادھار کی رقم ادا کرنے کے بجائے رشید نے اپنے دو ساتھیوں کے ہمراہ سازش تیار کی اور مرغی چوک سے ہتھیار خریدا۔ خلیل کو پہلے راجندر نگر طلب کیا گیا اور اس کا قتل کیا گیا۔
