نئی دہلی: کانگریس نے بھارتیہ جنتا پارٹی (بی جے پی) کے چار لیڈروں کے خلاف پولس میں شکایت درج کرائی ہے اور پارٹی کے سابق صدر اور لوک سبھا میں اپوزیشن لیڈر راہول گاندھی کے خلاف دھمکیاں دینے پر ان کے خلاف ایف آئی آر درج کرنے اور فوری کارروائی کرنے کا مطالبہ کیا ہے ۔کانگریس کے خزانچی اجے ماکن نے بدھ کے روز یہاں پارٹی ہیڈکوارٹر میں نامہ نگاروں کو بتایا کہ بی جے پی کے ان لیڈروں نے عملی طور پر راہول گاندھی کو جان سے مارنے کی دھمکی دی ہے ، اس لیے پولس سے ان کے خلاف مقدمہ درج کرنے کے لیے شکایت کی گئی ہے ۔انہوں نے کہا کہ بی جے پی کے چار لیڈروں نے مسٹر راہل گاندھی کے خلاف دھمکی آمیز بیانات دیئے ہیں اور پارٹی نے ان کے خلاف پولیس میں نامزد شکایت درج کرائی ہے ۔ اجے ماکن نے کہا کہ ان لیڈروں میں سے ایک نے راہول گاندھی کی زبان کاٹنے کے لیے انعام کا اعلان کیا ہے ، دوسرے نے انہیں ان کی دادی جیسا حال کرنے کی دھمکی دی ہے ، تیسرے نے انہیں دہشت گرد کہا ہے اور چوتھے نے ان کے خلاف مجرمانہ بیان دیا ہے ، اس لیے پارٹی نے ان لیڈروں کے خلاف کارروائی کے لیے شکایت کی ہے اور پولس سے سخت کارروائی کا مطالبہ کیا ہے ۔
