نئی دہلی، 29 اکتوبر (یواین آئی) کانگریس لیڈر راہول گاندھی نے چہارشنبہ کی صبح مہاراشٹر کے ستارہ ضلع میں خودکشی کرنے والی خاتون ڈاکٹر کے اہل خانہ سے فون پر بات کی اور انہیں انصاف کے لیے ان کی لڑائی میں اپنے تعاون کا یقین دلایا۔ پارٹی ذرائع کے مطابق خاتون ڈاکٹر کے اہل خانہ نے انصاف کا مطالبہ کیا اور مسٹر گاندھی پر زور دیا کہ وہ معاملے کی تحقیقات کے لیے حکومت پر دباؤ ڈالیں۔ خاندان نے راہول گاندھی سے کہا کہ اس معاملے میں ایک خصوصی تحقیقاتی ٹیم (ایس آئی ٹی) تشکیل دی جانی چاہئے ۔ قابل ذکر ہے کہ راہول گاندھی نے اس معاملے کو لے کر اتوار کو سوشل میڈیا پر لکھا تھاکہ ایک خاتون ڈاکٹر کی خودکشی ایک ایسا المیہ ہے جو کسی بھی مہذب معاشرے کے ضمیر کو ہلا کر رکھ دیتا ہے ۔ ایک ہونہار ڈاکٹر، جو دوسروں کے دکھوں کو دور کرنے کی خواہش رکھتی تھی، بدعنوان طاقت اور نظام میں مجرموں کے ظلم و ستم کا شکار ہوگئی۔
